المساهمات : 42 تاريخ التسجيل : 24/02/2016 العمر : 53 الموقع : بغداد .مدينه الصدر
موضوع: سالفة الواوي والبعران والوالي الجمعة فبراير 26, 2016 8:54 pm
ماهي سالفة الواوي والبعران والوالي قبل قليل اتصل بي الكثير من الاخوة وقالوا لي ابو احمد الفجيجي خويه الحك النه حتى شيوخ العشائر بعد ما تكدر تدخل وتوقف القتال العشائري الجاري بالعراق بين بعض العشائر وصارت بالقاذفات والهاونات كتلهم والمطلوب كالوا ..انت رجل صريح وحجه وتنقد وصفحتك لها ثقل عشائري كبير انريدك تسولف باالمكشوف وياهم وتوجهلهم نداء باسم عشائرنا ان كافي بعد من القتال مو بزعنه .. فكتلهم بويه لا هي الشيوخ الي بالعراق من بقية العشائر ادخلت مع بعض العشائر المتحاربه ومحد احترمهم ووقف القتال وهاي الشيوخ بدت تخاف من تدخل اكثر حتى لاتجيهم طلابه تايهه .. وهسه الي يتدخل حتى بالاصلاح عمامه لو عشيرته تجيه تهمه عود اني الي لا شيخ ولا عيش بالعراق يحترموني .. انتم اما ما تفهمونه او تريدون وياهم تورطوني .. وانتم سالفتكم تذكرني بسالفة الواوي والوالي والبعارين كالوا اشلون كتلهم اسمعوا مثل هل اللون كتلهم فد يوم اجه امر من الوالي يكصون اذان البعارين شردت البعارين الواوي شرد وياهن كالوله عمي يلواوي .... شتهيالك شارد. الكص على البعارين وشردن انت المن شارد ؟؟ كاللهم ياجماعه مو هذا مسؤول الكص مطفي ويدور الحرشه ..........مايفرق بين البعير والواوي ..وعلى ما اثبت روحي واوي اخاف اشبع كص . .فكتلهم بعض الناس مطفيه ومشرشبه وخاف اكتب موضوع ويتصورون اني عدو الهم موش جاي ادخل باصلاح وخاف اجيب لعمامي واخوتي طلابه وهاي الناس تثور علينه الجيلات وعلى ما اثبت نفسي اني تدخلت باصلاح اشبع جيلات وطلقات ورمي . وكوامات وانوب يعوفون طلابتهم بيناتهم ويجلبون بيه لاعمي دخيلكم بعد ماكو احترام للحاجوز او الي يرمي على العرب راية الستر الا عند القليل .لا هو الي هسه يريد يصلح بين عمامه وعشيرته تجيه تهمه والناس مكيفه بالخرب . . ابو احمد الفجيجي السراي علاء .